رثاء لواقع عم يوسف

1
احا ناشفه طالعا من وسط الزحام
مش عارف مين اللى قالها
يمكن أنا يمكن أنت
صدقنى مش مهم
ببص حوليا
وشوش كتيرة
كل وش بيسب للحياة
محدش مبسوط الكل بيصرخ
يلعن أبوكى يا دنيا كفرتينا و بهدلتينا
جملة بسيطة لكن
طلعه من القلوب بصوت عالى

2
صباحه بمبه يا زعيم
صباحه فل يا عم يوسف أتفضل واحد شاى
مش هقدر مستعجل
كل يوم فى نفس الساعه
كل يوم من 30 سنه
نفس الكلام مبيتغيرش
و نفس العزومة لا تستجاب
و ليه عشان عم يوسف بقاله 30 سنه مستعجل

3
هو ابو 6 عيال
هو بيشتغل 3 شغلانات
هو طالع عينه بقاله 30 سنه
و عمره ما سئل نفسه
ليه يطلع دينى فى الدنيا؟
و غيرى بيكلوا البط و الوز؟
يمكن يكون سئل نفسه من زمان
لكن دلوقت بطل عشان عرف الحقيقة
الدنيا مش شريفة ولا عفيفه
ديه بتنيك الضعيف
و تطبطب عل الشديد
و هو للأسف ضعيف

4
يحرقك يابا مطرح ما رحت
الكلمة ديه بقى يقولها كتير
عشان عرف أن ابوه هو السبب انه طلع ضعيف
هو ميقدرش يشتم الدنيا
هو مش قد البهدلة اللى بتيجى من الكلام ده

5
صباحه بمبه يا زعيم
صباحه فل يا عم يوسف أتفضل واحد شاى
مش هقلك لأ ياعم محمد
أول مرة من 30 سنه أو اكتر يوافق
و شغلك يا عم يوسف
يا سيدى أنا عجزت و لو أتاخرت 10 دقليق مش حاجة
أنا راجل قديم

6
و طردوا عم يوسف
راح لقاهم منعينه يدخل
ليه ؟ حرام عليكم
محدش سمع كلامه
خلونى أدخل محدش عبره

7
يا عالم يا زانى
يا دنيا يا وسخه
أنا تعبت منك و من اللى عايشين فيكى
حرام عليكوم يا كفرة
يلعن أبوكى يا دنيا
كفرتينى و بهدلتينى
و صرخ عم يوسف
و زعيقه كان عظيم
كلام قعد جوه قلبه 30 سنه

8
و مات عم يوسف تانى يوم
أكيد مات مبسوط
عشان لما راحوا يبصوا عليه بصه أخيره
كان بيضحك
قال اللى فى قلبه و شرب شايه و مات

نسخة الكربون الوسخة

من اكتر الحاجات اللى فقعانى وبضنة عليا عيشتى من مجتمعنا الكريم هو ان كل دماغ فيه نسخة طبق الاصل بنت الايه من اللى جنبها . مش مصدق ميتين امى ممكن تنزل تروح لاى شاب وافتح معاه اى موضوع يعجبك فى اى مجال يهف فى دماغك واساءله على "رأيه" وسبحان الله حيطلع نفس كس ام الكلام اللى حتسمعه من اللى بعده واللى بعده ........ الخ . زى ما يكون حد شخ فى دماغهم شوية افكار ماحولوش يفهموها لكن فات الاوان والشخة نشفت فى دماغهم مما ادى لتكون هذا الرأى السديد اللى سمعته اللى اكيد صح لان مفيش غيره على وجه البسيطة

المصيبة التقيلة انك لو حاولت تناقشه او تقول رأى تانى غير الرأى الاوحد حتحس ان الناس بتعاملك على انك جى من كوكب تانى خالص لانهم مسمعوش عن حاجة اسمها مناقشة . الفكر بيتعبى فى دماغهم اوتوماتيك ومادام مصدر الشخة موثوق فيه خلاص تبقى الشخة قصدى الرأى سليم

المشكلة الاكبر اللى حرقانى ان تنوع الفكر هو المحرك الاساسى للابداع فكل انسان يتميز عن الاخرين بفكره وتجاربه الانسانية وبمزج هذه الافكار المختلفة المتباينة نحصل على انجازات بشرية زى الحاجات الغريبة الشر بره وبعيد اللى بنشوفها فى المجتمعات النضيفة بره
السؤال امتى حيبقى عندنا تيارات فكرية مختلفة ؟ مش عارف . مين ليه مصلحة ان الفكر يتوحد ويبقى المجتمع كالقطيع ؟ فكر شوية وانت تعرف
الله يقرف ميتين امكم زى ما قرفتم ميتين امى !!!!!!!!!!!!

لماذا؟

قد يتساءل الجميع لماذا اكتب هنا وما الاسباب التى دفعتنى الى ذلك ؟انا بنى ادم عادى جدا عايز اعبر عن رأيى قبل ما انفجر من الغيظ او اموت ناقص عمر . انا زهقت من كتر السكوت وعايز اتكلم عن حاجات كتير ممكن تكون مابتشغلش حد او محدش فكر فيها لكن دى حاجات تعبانى جدا . علشان كده انا عملت الصفحة دى وحكتب فيها انا وواحد صحبى كعمل مشترك . المهم قبل ما تكمل قراية انا مش مسئول اذا كلامى معجبكش لانه ما بيعجبش ناس كتير فى هذا المجتمع الكريم الذى اشخر له من كل قلبى و شكرا