قطع البازل
قفلت الشباك
شديت الستاير
غاب ضوء الشمس تماما
ولعت اللمبة الصغيرة فوق مكتبى
و مسكت قطع البازل الصغيرة
و قعدت اجمع فيها ....
قد ايه بقيت محترف
انا احسن واحد اجمع البازل
مهما كان صعب ومعقد
ابتديت ببازل صغيرة
عدد قطع صغيرة قوى حوالى 30
و بعدين كبرت
امكانياتى كبرت معايا
و فضلت اقفل شباكى و اقفل ستايرى
و اكتفى بلمبتى
و عدد القطع زادت و زادت
عملت زى متحف فيه كل البازلز اللى جمعتها
تحت الازاز
الازاز مترب صحيح
بس لو حد جه علشان يبص
اوعدكم اكيد حنضفه
بقيت محترف زيادة عن اللزوم
بقيت قبل ما اخلص بازل اسيبه ومكملوش
اركنه و اخش على الاكبر منه
اقعد شغال فيه لحد ما اتعمى من كتر قطعه
و صغر حجمها و تشابه اشكالها
وبعد ما تبتدى معالم الصورة تبان
ازهق منه خدت متعتى خلاص
عرفت انى ممكن اغلبه
اركنه مينفعش يتحط تحت الازاز
التراب ياكله
و ابتدى فى اللى بعده واللى بعده
من زمان و العيال الصغيرة
مش راضية تلعب معايا
و كانوا بيبصولى بصة مش فاهمها
كل ما اقولهم يلا نلعب بالبازل الجديد بتاعى
كانوا يضحكوا و ممكن يضربونى ويجروا
يجروا على العشب الاخضر يلعبوا لعبهم الغريبة
يجروا ورا بعض ويضحكوا وبعدين يتخانقوا
و فى يوم وانا بلعب عدوا العيال قدام شباكى
و قعدوا يشاوروا عليا و يضحكوا
و ابتدوا يحدفونى بالطوب
جريت قفلت شباكى وشديت ستايرى
ومن ساعتها مسيبتهمش مفتوحين ابدا
كرهت الشمس وحبيت لمبتى قوى
مسحت دموعى من على البازل بتاعى
مش لازم يتوسخ
و من ساعتها وانا هنا فى عالمى اللى خلقته لنفسى
محدش عايز يزورنى خالص كده
حنضفلكم الازاز و افرجكم شغل السنين
و لو عايزين ممكن افتح الشباك
و اطفى لمبتى
بس خليكم جنبى
شديت الستاير
غاب ضوء الشمس تماما
ولعت اللمبة الصغيرة فوق مكتبى
و مسكت قطع البازل الصغيرة
و قعدت اجمع فيها ....
قد ايه بقيت محترف
انا احسن واحد اجمع البازل
مهما كان صعب ومعقد
ابتديت ببازل صغيرة
عدد قطع صغيرة قوى حوالى 30
و بعدين كبرت
امكانياتى كبرت معايا
و فضلت اقفل شباكى و اقفل ستايرى
و اكتفى بلمبتى
و عدد القطع زادت و زادت
عملت زى متحف فيه كل البازلز اللى جمعتها
تحت الازاز
الازاز مترب صحيح
بس لو حد جه علشان يبص
اوعدكم اكيد حنضفه
بقيت محترف زيادة عن اللزوم
بقيت قبل ما اخلص بازل اسيبه ومكملوش
اركنه و اخش على الاكبر منه
اقعد شغال فيه لحد ما اتعمى من كتر قطعه
و صغر حجمها و تشابه اشكالها
وبعد ما تبتدى معالم الصورة تبان
ازهق منه خدت متعتى خلاص
عرفت انى ممكن اغلبه
اركنه مينفعش يتحط تحت الازاز
التراب ياكله
و ابتدى فى اللى بعده واللى بعده
من زمان و العيال الصغيرة
مش راضية تلعب معايا
و كانوا بيبصولى بصة مش فاهمها
كل ما اقولهم يلا نلعب بالبازل الجديد بتاعى
كانوا يضحكوا و ممكن يضربونى ويجروا
يجروا على العشب الاخضر يلعبوا لعبهم الغريبة
يجروا ورا بعض ويضحكوا وبعدين يتخانقوا
و فى يوم وانا بلعب عدوا العيال قدام شباكى
و قعدوا يشاوروا عليا و يضحكوا
و ابتدوا يحدفونى بالطوب
جريت قفلت شباكى وشديت ستايرى
ومن ساعتها مسيبتهمش مفتوحين ابدا
كرهت الشمس وحبيت لمبتى قوى
مسحت دموعى من على البازل بتاعى
مش لازم يتوسخ
و من ساعتها وانا هنا فى عالمى اللى خلقته لنفسى
محدش عايز يزورنى خالص كده
حنضفلكم الازاز و افرجكم شغل السنين
و لو عايزين ممكن افتح الشباك
و اطفى لمبتى
بس خليكم جنبى
posted by W at 2:23 PM
2 Comments:
Gamada gedan ya Brinzzz
any update in ur blog for this year ..
Post a Comment
<< Home